Инсон ҳуқуқлари ҳимоячиси 40-ешли Надежда Атаева Тошкент Давлат Университети журналистика факультети ва Москва Гуманитар Институти ҳуқуқшунослик факультетларини тамомлаган.
2000 йилга қадар бир неча йил давомида Ўзбекистонга хорижий сармояларни киритиш билан шуғулланган.
Надежа Атаева ўз фаолияти доирасига кичик бизнес ва хусусий тадбиркорликнинг ривожланишини тадқиқ этиш кирганини айтади.
У айни шу йилларда Ўзбекистон идорий доираларининг иш услубини яхши англаб етганини айтади. Бунга, узининг айтишича, ҳукуматнинг юқори идораларида узоқ йиллар давомида ишлаган отаси, Олим Атаев, берган йўриқлар ердамида эришган.
Надежда Атаевага кўра, отаси "бошига келган кулфатлар" уни инсон ҳуқуқлари ҳимояси билан жиддий шуғулланишга ундаган.
Олим Атаев 1997 йилдан 2000 баҳорига қадар Ўзбекистон "Ўздонмаҳсулот" давлат корпоратсияси раиси вазифасини бажарган.
Надежда Атаеванинг айтишича, 2000 йил баҳорида Олим Атаев тўсатдан ғойиб бўлади ва кўп ўтмай Ўзбекистон Бош прокуратураси кутилмаганда унга нисбатан қидирув эълон қилади.
2000 йилда Ўзбекистон ҳукумати, Надежда Атаеванинг таъбири билан айтганда, "сохта уйдирмалар билан" Олим Атаевни давлатнинг беш милион доллар мол-мулкини ўмаришда айблайди.
Надежда Атаева Ўзбекитонни зудлик билан тарк этишга мажбур бўлганини ва ўз отасини ҳимоя қилишга қарор берганини айтади.
Надежда Атаева ўз отаси билан деярли икки ярим йил ўтиб Франсанинг ле-Манс шаҳрида учрашади. Улар ҳозирда Франсада сиесий бошпана олганлар.
"Биз аста-секинлик ва изтироб билан мамлакатимиздаги режим моҳиятини тушуниб борардик, - дейди Надежда Атаева. - Андижон фожеаси ҳақидаги хабар кульминацион нуқта эди."
Ўшандан буен Надежа Атаева инсон ҳуқуқлари билан фаол шуғулланаетганини айтади.
Надежда Атаева ҳозирга қадар Ўзбекистонда болалар меҳнатини бекор қилиш ва сиесий маҳкумларни озод этиш каби қатор ижтимоий тадбирларни ўтказган.
Ҳозирда Надежда Атаева Франсада яшаб, Марказий Осиелик муҳожирлар ҳуқуқларини ҳимоя қилиш билан шуғулланади.